قصتنا مع بعض
تعريف بالعضوية في قروب بصمة
يوم من ايام رمضان 2020 كان في تعريف بالعضوية في قروب بصمة
لفتني اسمك البحبو شديد، كنتي كاتبة رهف كمال الدين مواليد 3/12/2000 بالسعودية ، وانك بتقري صيدلة النيلين
وهوايتك الكتابة ونشرتي رابط قناة التلغرام ودخلتها وعجبتني كتاباتك شديد
أول دردشة بينا
بقيت أفكر ادخل عليك كيف!
جاتني فكرة انو أدخل عليك بي نفس اسلوب الكتابة والكُتّاب
جهزت نص بعبر فيهو عن انبراشي وانبهاري بالكاتبة اللطيفة رهف 🙈 ، ورسلتو اليوم البعدو على ما أذكر
ومن هنا بدت قصتنا ❤️
أول مكالمة بتذكرها
يوم 3/12/2020 كنت شغال في البنك اليوم داك، قبليها بي كم يوم كنت بفكر أهديك شنو في عيد ميلادك
جاتني فكرة انو أعمل تصميم واطبعو علي mug وأكتب عليهو كتابة
عملت التصميم وكتبت عليهو Do not annoy the writer she may put you in a book and kill you ورسلتو لي بشير
قلت ليهو يطبعها علي mug ويشتري كادبري ويختهم في علبة وبعدين بوريك كيف تسلمهم
لما جا يوم عيد ميلادك قلت ليهو يخليهم في العربية وانا ح اتصل عليها تاخدهم
اتصلت عليك ووريتك بس كنتي متوتره علي خايفة علي مبسوطه علي كلو وكانت احلى مكالمة
أول لقاء
كان في شهر 3 سنة 2021 ، كان في فعالية خاصة بي فارماكون في كليتكم وقلت ليك بجي عشان ألاقيك
جيت ومعاي بشير وواحد تاني صاحبنا، صلينا الضهر ونحن راجعين من مكان المصلى سمعت صوتك وراي، وصوتك مميز جدًا طوالي عرفتك
اتلفت عليك من غير تردد وقلت ليك رهف وصاحباتك بقو يعاينو، سلمنا عليكم وبعدها قلتي لي عايزه اعمل حاجه وبجيك
جيتيني بعديها بي مسافه وكان وراك حاجه تاني بخصوص الفعالية ومشيتي تاني
بعدها طلعنا وتقريبًا الفعالية اتلغت او اتأجلت
آخر لقاء
كان في شهر 9 من نفس السنة، كنت مسافر دبي
جينا انا وبشير وسقناك من الكلية، مشينا كافيتريا وشربنا عصير ويومها حسيت في شي في قلبي من ناحية رهف
كنت مركز في المزة القدامي شديد رغم انو في واحدة جنبنا تشيل وتعاين لينا ما بعرفها مالها
يومها مزتي أهدتني رواية بقيت بقرأ فيها وانا في الطيارة لحدي ما وصلت
ان شاء الله اللقاء الجاي يكون قريب وهي مرتي ❤️
عايزة تعرفي ليه بحبك ؟
اضغطي علي كل قلب من القلوب دي عشان تعرفي
انتي كل شي بالنسبة لي ومستعد أضحي بكل شي عشانك
ما قادر اصبر لحدي ما تكوني معاي واقضي معاك باقي حياتي
💍 موافقة تكوني معاي للأبد ؟ 💍